Türkmenistanyň Baş döwlet salgyt gullugy

№ 78/5 10.01.2007

Welaýatlar we Aşgabat şäheri

boýunça döwlet salgyt gulluklaryna

Türkmenistanyň Baş döwlet salgyt gullugy, şahsy taraplary we edara görnüşli taraplary hasaba goýmak hakynda şahadatnamany bermeklige degişli gelip gowuşýan soraglara baglylykda, şu aşakdakylary habar berýär.

Eger-de ýerlerdäki döwlet salgyt gulluklaryna Türkmenistanyň Adalat ministrligi tarapyndan 2006-njy ýylyň Baýdak aýynyň 17-inde 371 san bilen bellige alnan, Türkmenistanyň Baş döwlet salgyt gullugynyň başlygynyň 2006-njy ýylyň Baýdak aýynyň 15-inde çykaran № 08-Ö buýrugy bilen tassyklanan Salgyt töleýjiler hökmünde şahsy taraplary we edara görnüşli taraplary hasaba goýmak hakynda usuly görkezmeleri güýje girizilmeginden öň salgyt hasabyna goýlan taraplaryň salgyt hasabynda goýlandygy hakynda şahadatnamany almak üçin ýüz tutan ýagdaýynda, onda şular ýaly şahadatnama şol salgyt töleýjilere olaryň berýän arzalarynyň esasynda ýokarda agzalan Usuly görkezmäniň №№ 5, 6, 7 - nji goşundylarynyň görnüşlerine (degişlilikde) laýyklykda berilýär.

Şunlukda görkezilen arzalaryň görnüşlerinde salgyt töleýji:

a) «HSB» - diýen sütünde özüne berilen hususy salgyt belgisini goýmaly;

b) şu sözleri çyzmaly:

№ 5-nji goşundyda - «ozal Türkmenistanyň döwlet salgyt gullugynyň hiç bir edarasynda maňa hususy salgyt belgisiniň berilmändigine hem-de salgyt töleýji hökmünde hasaba goýmagyňyzy soraýaryn»;

№ 6-njy goşundyda - «ozal Türkmenistanyň döwlet salgyt gullugynyň hiç bir edarasynda mana hususy salgyt belgiiniň berilmändigine hem-de salgyt töleýji hökmünde hasaba goýmagyňyzy soraýaryn»;

№ 7-nji goşundyda - «ozal Türkmenistanyň döwlet salgyt gullugynyň hiç bir edarasynda şu şerekete hususy salgyt belgisiniň berilmändigine hem-de salgyt töleýji hökmünde hasaba goýmagyňyzy soraýaryn».

Ýokarda görkezilen ýagdaýlartda salgyt hasabyna edara görnüşli we şahsy taraplary hasaba goýmak barada şahadatnama berilen halatynda başga resminamalar talap edilmeýär. Arzalary we salgyt hasabyna goýlandygy hakynda berilen şahadatnamalary hasaba almak ýokarda ady agzalan Usuly görkezmäniň 24-nji bendinde goýlan tertibe we möhlete laýyklykda alnyp barylýär.

Ýokarda agzalanlary maglumat we işde ulanmak üçin ýerlerdäki döwlet salgyt gulluklaryň dykgatyna ýetiriň.

Başlygyň Orunbasary

P.Prýaniçnikow